![](/desk/inc/media/83533894-D4DD-4AE0-B2B2-85D1B8929483.jpg)
Sot, me datën 04 Tetor 2023, nga ora 09:30 u mbajt punëtoria e Fakultetit të Inxhinierisë së Ndërtimit “Metodat Bashkëkohore në Mësimdhënie” si dhe “Metodat Bashkëkohore të Vlerësimit të vazhdueshëm të Studentëve”.
Pjesëmarrës në punëtori ishte i gjithë stafi i rregullt dhe i angazhuar akademik i Fakultetit të Inxhinierisë së Ndërtimit. Qëllimi i punëtorisë ishte diskutimi rreth metodave bashkëkohore të mësimdhënies dhe vlerësimit të vazhdueshëm, e ku si eksperte ishte e ftuar Prof. Asoc. Majlinda Zhitija Gjelaj, njëkohësisht prodekane nga Fakulteti i Edukimit të Universitetit të Prishtinës “Hasan Prishtina” dhe eksperte në fushën e Pedagogjisë dhe vlerësimit në arsim.
Me mbështetjen dhe pajtimin e stafit prezent, menaxhmenti i FIN doli me rekomandimin e implementimit të vlerësimit të vazhdueshëm për çdo departament dhe lëndë të njësisë akademike. Kjo punëtori dhe iniciativë ishte njëri ndër hapat e planifikuar për luftimin e trendit të “largimit të trurit” dhe uljes së numrit të studentëve, si dhe një ndër aktivitetet e planifikuar në tentativat e vazhdueshme për rritjen e cilësisë së arsimit të lartë.
![](/desk/inc/media/18F4059E-E6F9-481B-891F-33953A024E6B.jpg)
![](/desk/inc/media/01E88C7D-14F1-431C-8B18-A050D8363B03.jpg)