Me data 1 dhe 2 Prill 2025, Fakulteti I Inxhinierisë së Ndërtimit në bashkëpunim me Skat ltd., dhe Zyrën Zvicerane për Zhvillim në Kosovë, organizon punëtorinë për Vlerësimin e Programit MSc MIRU, si pjesë e programit 12 vjeçar IWRM në Kosovë, nën udhëheqjen e TH Köln.
Punëtoria vazhdon me datën 2 Prill, me anëtarët e stafit akademik të të gjitha njësive akademike të Universitetit të Prishtinës të angazhuara në këtë program studimi duke përfshirë Fakultetin e Bujqësisë dhe Veterinarisë, Fakulteti I Shkencave Matematike Natyrore, Fakultetin Ekonomik, Fakulteti I Mjeksisë, Fakultetin Juridik e të tjerë, si dhe stafi akademik I TH Köln dhe Universiteteve tjera partnere të këtij programi, për të marrë këshilla, komente dhe udhëzime edhe mbi përmbajtjen akademike dhe kërkimore të programit MSc MIRU. Gjatë kësaj punëtorie u potencua ndër-diciplinariteti I këtij programi studimor, dhe nevoja e këtij lloji të kuadrave në tregun e punës Kosovar dhe rajonal. Punëtoria kontriboi në plotësimin dhe modifikimin e kurrikulës për akreditimin e ardhshëm të programit për gjeneratat 2025/2026 e tutje. Dekani I FIN Prof. Ass. Dr. Florim Grajçevci shprehu edhe njëherë falenderimin ndaj Skat ltd., TH Köln dhe Zyrës Zvicerrane për Zhvillim për mbështetjen e vazhdueshme dhe udhëzimet, jo vetëm për programin MSc MIRU por edhe për FIN në përgjithësi. Rezultatet e vlerësimit të programit deri tani kanë treguar sukses të dukshëm të këtij programi studimor gjatë akreditimit të tij të parë dhe stafi akademik është I përkushtuar për vazhdimin e këtij programi.



