Po qëndroni para një prej vendimeve më të rëndësishme të jetës suaj – zgjedhjes së profesionit dhe rrugës që do të përcaktojë të ardhmen tuaj.

Nëse dëshironi të jeni pjesë e brezit që projekton, ndërton dhe zhvillon Kosovën, ju ftojmë të bëheni pjesë e Fakultetit të Inxhinierisë së Ndërtimit në Universitetin e Prishtinës dhe të zgjidhni programin e studimeve BSc Konstruktiv.

Inxhinierët e ndërtimit janë profesionistët që krijojnë urat, ndërtesat, rrugët, stadiumet, digat dhe infrastrukturën që i shërben shoqërisë çdo ditë. Ata janë njerëzit që me dijen, kreativitetin dhe përgjegjësinë e tyre ndërtojnë të ardhmen e vendit.

Në FIN do të gjeni profesorë të përkushtuar, laboratorë modernë, mësimdhënie bashkëkohore, punë praktike në terren dhe mundësi të shumta për zhvillim profesional. Studimet nuk kufizohen vetëm në auditorë, por shoqërohen me vizita profesionale, projekte reale, gara studentore kombëtare dhe ndërkombëtare, si dhe bashkëpunime me industrinë e ndërtimit.

Ne besojmë se investimi më i mirë është investimi në dije. Prandaj ju ftojmë të bëheni pjesë e një komuniteti akademik që përgatit inxhinierë të aftë, të përgjegjshëm dhe konkurrues në tregun vendor dhe ndërkombëtar të punës.

- Zgjidhni një profesion me perspektivë.
- Zgjidhni të ndërtoni të ardhmen.
- Zgjidhni Fakultetin e Inxhinierisë së Ndërtimit – Universiteti i Prishtinës.

Sot maturant, nesër inxhinier!