Të nderuar anëtarë të stafit akademik dhe hulumtues të
Fakultetit të Inxhinierisë së Ndërtimit (FIN),

Ju njoftojmë se, në kuadër të Asamblesë së 6-të të Përgjithshme të EFEHR https://hazard.efehr.org/en/home/, e mbajtur më 10 dhjetor 2025, është iniciuar procesi i formimit të Grupeve të Punës (Working Groups – WGs), me qëllim forcimin e bashkëpunimit shkencor dhe profesional në fushat përkatëse.

Në këtë drejtim, anëtarët e komunitetit akademik të FIN ftohen të shprehin interesimin e tyre për pjesëmarrje në këto Grupe Pune, duke plotësuar formularin e shprehjes së interesit në lidhjen në vijim:
 https://forms.gle/mXaBJPnAFyks8Dvn9

Në formular kërkohet të specifikohet:

• Grupi i Punës në të cilin dëshironi të kontribuoni, dhe

• fushat tuaja të interesit dhe ekspertizës.

Ftohen gjithashtu që kjo thirrje të shpërndahet edhe te kolegë të tjerë të FIN, të cilët mund të jenë të interesuar dhe relevantë për këtë proces. Afati i rekomanduar për plotësimin e formularit është deri në fund të këtij muaji.

Kontributet e mbledhura do të përpunohen nga Komiteti Ekzekutiv i EFEHR (ExeCom), i cili gjatë muajit shkurt do të përcaktojë strukturën e Grupeve të Punës dhe hapat e mëtejshëm të veprimit.

Pjesëmarrja në këto Grupe Pune paraqet një mundësi të mirë për rritjen e angazhimit ndërkombëtar, shkëmbimin e dijes dhe forcimin e rolit të FIN në rrjete evropiane kërkimore.