IIUA

IIUA – Instituti i Inovacionit, Ujit dhe Ambientit

Misioni i Institutit të Inovacionit, Ujit dhe Ambientit (IIUA), në kuadër të Fakultetit të Inxhinierisë së Ndërtimit, Universiteti i Prishtinës, është të zhvillojë dhe avancojë kërkimin shkencor dhe profesional në fushat e menaxhimit të burimeve ujore, inxhinierisë së ambientit dhe inovacionit, si fusha me rëndësi strategjike për zhvillimin akademik, ekonomik dhe shoqëror.

Instituti synon të kontribuojë në krijimin dhe transferimin e njohurive, në përmirësimin e praktikave inxhinierike dhe në adresimin e sfidave bashkëkohore mjedisore përmes nxitjes së projekteve kërkimore ndërdisiplinore dhe bashkëpunimit me institucione akademike, industri dhe organizata vendore dhe ndërkombëtare.

Në përputhje me rregulloret në fuqi, IIUA shfrytëzon kapacitetet akademike, shkencore dhe laboratorike të Fakultetit dhe Universitetit të Prishtinës, duke ofruar gjithashtu shërbime profesionale, konsulente dhe kërkimore për sektorin publik dhe privat, me synim rritjen e ndikimit në zhvillimin e qëndrueshëm dhe inovativ të sektorit të ujit dhe ambientit.

Vizioni i IIUA është të jetë një qendër e avancuar kërkimore dhe profesionale në rajon, e njohur për ekselencë shkencore, inovacion dhe ndikim të drejtpërdrejtë në zhvillimin e qëndrueshëm të sektorit të ujit, ambientit dhe infrastrukturës mjedisore.

IIUA synon të realizojë këto objektiva:

  • Zhvillimin e kërkimeve shkencore cilësore në fushat e ujit, ambientit dhe inovacionit;
  • Përfshirjen aktive në projekte kombëtare dhe ndërkombëtare (Horizon Europe, Erasmus+, etj.);
  • Forcimin e bashkëpunimit me industrinë, institucionet publike dhe organizatat mjedisore;
  • Ofrimin e shërbimeve profesionale dhe konsulente në fushën e menaxhimit të ujit dhe mbrojtjes së mjedisit;
  • Avancimin e kapaciteteve laboratorike dhe përdorimin efektiv të infrastrukturës ekzistuese;
  • Mbështetjen e stafit akademik dhe studentëve në kërkime dhe zhvillim profesional;
  • Promovimin e inovacionit dhe zgjidhjeve të qëndrueshme për mbrojtjen e mjedisit dhe menaxhimin e burimeve natyrore.

IIUA është një njësi kërkimore e Fakultetit të Inxhinierisë së Ndërtimit që synon zhvillimin e kërkimeve shkencore dhe profesionale në fushat e ujit, ambientit dhe inovacionit, duke kontribuar në avancimin e teknologjive, bashkëpunimin ndërkombëtar dhe zhvillimin e qëndrueshëm.

Qëllimi kryesor i IIUA-së është zhvillimi i kërkimeve shkencore dhe profesionale në fusha me rëndësi strategjike për Fakultetin e Inxhinierisë së Ndërtimit të Universitetit të Prishtinës dhe për shoqërinë, si dhe nxitja e projekteve ndërdisiplinore dhe inovative.

IIUA ka të drejtë të shfrytëzojë infrastrukturën akademike, shkencore dhe laboratorike të Fakultetit dhe të Universitetit të Prishtinës, në përputhje me rregulloret në fuqi, dhe mund të ofrojë shërbime konsulente dhe komerciale për sektorin publik dhe privat.

 

Vendimi për Themelimin e IIUA
Publikuar me: 15/06/2026 Shkarko
Rregullore për parimet e punës dhe funksionimin e IIUA
Publikuar me: 25/05/2026 Shkarko