Studentët e Fakultetit të Inxhinierisë së Ndërtimit - UP morën pjesë në një punëtori të veçantë, të organizuar në bashkëpunim me Programin IWRM-K, ku u fokusuan në zhvillimin e praktikave profesionale në sektorin e ujit.

Gjatë sesioneve, ata u njohën me procedurat e praktikës sipas rregullave të UP/FIN, ndanë ide për temat e tyre dhe morën mbështetje për të gjetur vendin ideal të internshipit – një hap i rëndësishëm drejt ndërtimit të karrierës së tyre profesionale.

Përmes diskutimeve dhe prezantimeve interaktive, studentët thelluan njohuritë mbi konceptin e Menaxhimit të Integruar të Resurseve Ujore (IWRM) dhe rëndësinë e tij për zhvillimin e qëndrueshëm të sektorit të ujit në Kosovë.